Təcridxanaya narkotik maddə keçirilməsinin qarşısı alınmışdır (FOTO)
4-11-2022, 19:02 | 311 dəfə oxunub
Ədliyyə nazirliyi Penitensiar xidmətinin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik maddənin keçirilməsi cəhdinin qarşısı alınmışdır.
Cinayət Məcəlləsinin 234.1 və 69.3-cü maddələri ilə təqsirli bilinərək 1 il 11 ay 28 gün müddətinə azadlıqdan məhrum edilmiş və hal-hazırda 3 saylı İstintaq təcridxanasında saxlanılan məhkum Orxan Davud oğluna anası Bakı şəhər sakini Rəhilə Həsən qızı Quliyeva tərəfindən gətirilmiş sovqata baxış keçirilən zaman oradakı köynəyin sol cibində gizlədilmiş bükülüdə ümumi çəkisi 0,119 qram narkotik maddə - heroin aşkar edilmişdir.
