2 fevral 2023-cü il tarixində Ədliyyə Nazirliyi Penitensiar xidmətinin Baş idarəsində 2 Fevral - Azərbaycan Gəncləri Gününə həsr olunmuş tədbir keçirilmişdir.
Tədbir zamanı hər il ölkəmizdə geniş şəkildə qeyd edilən Gənclər Gününün Ulu Öndər Heydər Əliyevin adı ilə bağlı olduğu diqqətə çatdırılmış və gənc əməkdaşları bu əlamətdar gün münasibətilə təbrik etmişlər.
Ümummilli Liderin 1997-ci ildə imzaladığı fərmanla təsis olunmuş Gənclər Günü Azərbaycan gənclərinin cəmiyyətdəki roluna verilən yüksək qiymət kimi dəyərləndirilmişdir. Dahi şəxsiyyət Heydər Əliyev tərəfindən təməli qoyulmuş və bu gün də uğurla davam etdirilən dövlət gənclər siyasətinin Azərbaycanda gənc nəslin mənəviyyatca zəngin, vətənpərvər ruhda tərbiyəsi və ölkə həyatında fəal iştirakı üçün mühüm zəmin yaratdığı vurğulanmışdır. Məhz yürüdülən düzgün siyasətin nəticəsidir ki, bu gün Azərbaycan gəncliyi Prezident, Müzəffər Ali Baş Komandan İlham Əliyevin ətrafında sıx birləşərək, dahi şəxsiyyətin ideyalarını qoruyur, inkişaf etdirir və dövlətimizin tərəqqisi naminə öz bacarıqlarını əsirgəmirlər.
Tədbirin sonunda Ümummilli Lider Heydər Əliyevin gənclər siyasətinə həsr olunmuş film nümayiş etdirilmişdir.
