Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı istintaq təcridxanasına narkotik maddənin keçirilməsi cəhdinin qarşısı alınmışdır.
Cinayət Məcəlləsinin 234.1-ci maddəsi ilə təqsirli bilinərək həbs edilmiş şəxs Süleyman Vüqar oğlu Əliyevə xalası oğlu Bakı şəhər sakini Rahib Eldar oğlu Məmmədov tərəfindən gətirilmiş sovqata baxış keçirilən zaman, orada olan cins şalvarda xüsusi üsulla gizlədilmiş ümumi çəkisi 0,066 qram olan narkotik maddə - heroin aşkar edilmişdir.
