Məhkumlar üçün növbəti seminar-treninqlər keçirilmişdir
10-02-2023, 12:15 | 621 dəfə oxunub
Ədliyyə Nazirliyi Penitensiar Xidməti ilə Dini Qurumlarla İş üzrə Dövlət Komitəsi arasında 2023-cü il üçün təsdiq edilmiş birgə tədbirlər planı çərçivəsində məhkumların asudə vaxtlarının səmərəli keçirilməsi, vicdan və dini etiqad azadlığının təmin olunması istiqamətində tədbirlər davam etdirilir.
Komitə əməkdaşlarının məhkumlarla növbəti görüşləri 09.02.2023-cü il tarixdə 1 və 10 saylı cəzaçəkmə müəssisələrində keçirilmişdir.
“Ulu öndər Heydər Əliyevin siyasətində din dövlət münasibətləri, dünyəvilik və mənəvi birlik” mövzusunda keçirilmiş görüşdə Dini Qurumlarla İş üzrə Dövlət Komitəsinin, Azərbaycan İlahiyyət İnstitutunun və Penitensiar xidmətin məsul əməkdaşları iştirak etmişlər.
Seminar-treninqlərdə məhkumlarla geniş diskussiya aparılmış, onları maraqlandıran suallar cavablandırılmışdır.
