Penitensiar xidmətlə Daxili İşlər Nazirliyinin əməkdaşlarının növbəti birgə uğurlu əməliyyatı (FOTO)
19-05-2023, 09:35 | 407 dəfə oxunub
Ədliyyə Nazirliyi Penitensiar xidmətinin, İxtisaslaşdırılmış müalicə müəssisəsinin əməliyyat aparatlarının Daxili İşlər Nazirliyinin Sabunçu rayon Polis idarəsinin 14-cü Polis bölməsinin əməkdaşları ilə birgə uğurlu əməliyyat tədbirləri nəticəsində Cinayət Məcəlləsinin 237.2.3; 67.1 və 93.1.2-ci maddələri ilə təqsirli bilinərək 6 il 6 ay müddətinə azadlıqdan məhrum edilmiş şəxs Vüqar Yaşar oğlu Quliyev tərəfindən Maştağa qəsəbəsində yerləşən bağ evinin ərazisində torpağa basdırılaraq gizlətdilmiş 1 ədəd lüləyi və qundağı kəsilmiş tüfəng və ona aid 4 ədəd patron aşkar edilərək götürülmüşdür.
Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 10 saylı cəzaçəkmə müəssisəsinə psixotrop və narkotik maddələrin keçirilməsi cəhdinin qarşısı alınmışdır. Cinayət Məcəlləsinin 126.3-cü maddəsi ilə təqsirli bilinərək 10 il müddətinə azadlıqdan məhrum edilmiş məhkum Sadiq Əhəd oğlu Fətullayev ilə qısamüddətli görüşə gələn arvadı Naidə Şikar qızı Nağıyevanın gətirdiyi əşyalara və üzərinə baxış keçirilən zaman üzərində gizlətdiyi 2 ədəd sellofan bükülüdə ümumi çəkisi 0,723 qram olan psixotrop maddə - metamfetamin və ümumi çəkisi 0,945 qram olan narkotik maddə - marixuana aşkar olunmuşdur.
