Məhkumların islah prosesinin təkmilləşdirilməsi, peşə biliklərinin artırılması və ictimai faydalı əməyə cəlb olunması məqsədilə cəzaçəkmə müəssisələrində mövcud istehsal sahələrinin bərpası, yeni sahələrin yaradılması, aidiyyəti dövlət qurumlarının bu prosesə cəlb olunması istiqamətində Penitensiar xidmət tərəfindən uğurlu layihələr həyata keçirilir.
4 və 15 saylı cəzaçəkmə müəssisələrinə baş çəkən "ABAD" publik hüquqi şəxsin, Azərbaycan Mədəni İrs Sənətkarlığına Dəstək və Kreativ Sənaye İctimai Birliyinin nümayəndələri orada yaradılmış yeni istehsalat sahələri ilə tanış olublar. Məhkumlar öz əl işlərini qonaqlara təqdim ediblər. Onların əl işlərini qonaqlar böyük maraqla qarşılayıblar.
