PENİTENSİAR XİDMƏTİN ƏMƏKDAŞLARI ÜÇÜN TƏLİM KEÇİRİLİB
Ədliyyə Nazirliyi Penitensiar xidmətin əməkdaşları üçün 13-15 may 2024-cü il tarixlərdə Hüquq və İnsan Haqları İnstitutu tərəfindən “Təlimçilər üçün təlim” keçirilib.
Penitensiar xidmətin müxtəlif sahələrində çalışan əməkdaşlarının insan hüquqları sahəsində bilik və bacarıqlarının artırılması məqsədilə təşkil olunmuş təlim 3 gün davam edib.
İştirakçılara təlimin keçirilmə qaydaları, təşkili, metodologiyası, insan hüquqlarının beynəlxalq hüquqi müdafiəsi, Konstitusiya və insan hüquqları, Avropa Penitensiar Qaydaları, BMT-nin Məhbuslarla Minimum Davranış Qaydaları, İşgəncələrə qarşı Avropa Komitəsinin Qaydaları və bu kimi digər mövzular ətraflı şərh olunub.
Sonda Penitensiar xidmətin təlimləri uğurla başa vurmuş əməkdaşlarına sertifikatlar təqdim olunub.
