MƏHKUMLAR ÜÇÜN AŞPAZLIQ KURSLARI TƏŞKİL EDİLİB
Məhkum və həbs edilmiş şəxslərin azadlığa çıxdıqdan sonra cəmiyyətə adaptasiyası, reinteqrasiyası və sosial reabilitasiyasını təmin etmək, onların ictimai faydalı əməyə cəlb edilməsi prosesini asanlaşdırmaq və müxtəlif peşə vərdişləri formalaşdırmaq məqsədilə bir çox sahələr üzrə kurslara cəlb edilməsi daim diqqət mərkəzindədir.
Ədliyyə Nazirliyi Penitensiar xidməti və Dövlət Turizm Agentliyinin Milli Kulinariya Mərkəzi tərəfindən bu istiqamətdə başlanılmış təlim kursları uğurla davam etdirilir.
Ötən il təqdimatı keçirilmiş layihə üzrə növbəti aşpazlıq kursları 31 may - 7 iyun 2024-cü il tarixlərində Penitensiar xidmətin 10 saylı cəzaçəkmə müəssisəsində təşkil olunub.
Kursu tamamlamış məhkumlara sertifikatlar təqdim olunub.
