FHN ƏDLİYYƏ NAZİRLİYİNİN PENİTENSİAR XİDMƏTİNİN ƏMƏKDAŞLARI ÜÇÜN TƏLİM KEÇİRİB
Fövqəladə Hallar Nazirliyi tərəfindən Ədliyyə Nazirliyinin Penitensiar Xidmətinin Umbakı penitensiar kompleksində əməkdaşlar üçün təlim keçirilib.
FHN-in Dövlət Yanğın Nəzarəti və Dövlət Yanğından Mühafizə xidmətlərinin müvafiq canlı qüvvə və texnikasının cəlb edildiyi təlimin keçirilməsində məqsəd əməkdaşlara fövqəladə hallar və yanğın zamanı davranış qaydalarının aşılanması, bu kimi müəssisələrdə yanğın zamanı yanğından mühafizə bölmələrinin fəaliyyətinin daha da təkmilləşdirilməsi, xilasetmə üzrə şəxsi heyətin peşəkar bacarıqlarının artırılması olub.
Təlimin nəzəri hissəsində FHN-in əməkdaşları fövqəladə hallar, o cümlədən yanğın zamanı zəruri davranış qaydaları və təxliyə tədbirləri barədə ətraflı məlumat verib. Həmçinin, təlim iştirakçılarına ilkin yanğınsöndürmə vasitələrindən istifadə qaydaları əyani şəkildə nümayiş etdirilib, onların sualları cavablandırılıb.
Təlimin praktiki hissəsində müəssisə ərazisində şərti yanğınla əlaqədar “Həyəcan” siqnalı verildikdən sonra DYMX-nin yanğından mühafizə bölmələri operativ qaydada hadisə yerinə çataraq, müəssisədə saxlanılan şəxslərin “təhlükəli ərazidən” təxliyə edilməsi, “yanğın” yerində çevik kəşfiyyatın aparılması və “yanğının söndürülməsi” əməliyyatlarını yerinə yetirib.
Təlimin sonunda əldə edilmiş nəticələr təhlil olunub, aidiyyəti üzrə tapşırıqlar verilib və yanğın təhlükəsizliyinə məsul əməkdaşlara maarifləndirici materiallar təqdim olunub.
![](http://penitensiar.justice.gov.az/storage/news/July2024/nKhA4U7m4WgkcJDdf8vc.jpg)
![](http://penitensiar.justice.gov.az/storage/news/July2024/NScH0JFvJHkYN3vuJ6mx.jpg)
![](http://penitensiar.justice.gov.az/storage/news/July2024/v0zc9XN25SYQIMST5DF9.jpg)
![](http://penitensiar.justice.gov.az/storage/news/July2024/5ed9EXAvMD99yQljrdXM.jpg)
![](http://penitensiar.justice.gov.az/storage/news/July2024/zIhsmw5RoKjnh2uyQotF.jpg)
![](http://penitensiar.justice.gov.az/storage/news/July2024/uHW44NIOYHya2Q0Y1fNV.jpg)
![](http://penitensiar.justice.gov.az/storage/news/July2024/ro2nLvb2Gjb4esByqy8O.jpg)
![](http://penitensiar.justice.gov.az/storage/news/July2024/jvhFWjlehfK2LoxAzJl1.jpg)
![](http://penitensiar.justice.gov.az/storage/news/July2024/DuuOeuGSZffZDiYdu7su.jpg)
![](http://penitensiar.justice.gov.az/storage/news/July2024/CCFdAxbdBWNOCmOYhkTu.jpg)
![](http://penitensiar.justice.gov.az/storage/news/July2024/jmJZ49GyHELQdkE9V85E.jpg)