Penitensiar xidmətin kadr potensialının gücləndirilməsi, vakant ştat vahidlərinin layiqli namizədlərlə komplektləşdirilməsi və şəffaflığın təmin olunması məqsədilə işlər uğurla davam etdirilir.

Ədliyyə nazirinin müavini – Penitensiar xidmətin rəisi Mirsaleh Seyidov Lənkəran penitensiar müəssisəsində namizədlərin sıra baxışını keçirib.

Nazir müavini onların zahiri görkəmi, fiziki hazırlığı, bilik səviyyəsi və dünyagörüşü ilə maraqlanıb.

Əvvəlcədən dərc edilmiş elana uyğun olaraq müraciət etmiş namizədlərdən 129 nəfər növbəti seçim mərhələsinə buraxılıb.