Ədliyyə Nazirliyinin Penitensiar xidməti və Ədliyyə Akademiyasının birgə təşkilatçılığı ilə 2, 17 saylı cəzaçəkmə müəssisələrinin və İxtisaslaşdırılmış Müalicə müəssisəsinin əməkdaşları üçün “Narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizə” mövzusunda təlimlər keçirilib.

Tədbirlərdə təlimçi kimi çıxış edən Səhiyyə Nazirliyinin məsul əməkdaşı iştirakçılara narkomaniyanın doğurduğu nəticələr və bir sıra xəstəliklərin yayılması yolları haqqında məlumat verib, mövzu ətrafında müzakirələr aparılıb, əməkdaşları maraqlandıran suallar cavablandırılıb.